Хүн амын хөгжил, нийгмийн хамгааллын яамны албан хаагчдын ёс зүйн дүрэм

Хүн амын хөгжил, нийгмийн хамгааллын яамны албан хаагчид нь тус яамны зорилго, үйл ажиллагааны зорилтыг хэрэгжүүлэхэд тухайн ажилтны ажлын байрны тодорхойлолтод заагдсан ажил үүргээ биелүүлэхдээ баримтлах ёс зүйн хэмжээг хэвшүүлэхэд дүрмийн зорилго оршино.
Дэлгэрэнгүй

Мэндчилгээ

Хэвлэх

Мэдээ - Шинэ!

    Монгол улсын засгийн газрын 2013 оны 120-р тогтоолоор жил бүрийн 4-р сарын 28 ны өдрийг Хүн амын хөгжил нийгмийн хамгааллын салбарын ажилтны баярын өдөр болгон тэмдэглэх тухай шийдвэр гарсан билээ. Хийсэн бүтээснээ эргэж харах, хийж бүтээхээ төлөвлөж харах нь хүний сэтгэлийн нэгэн жаргал  учраас хүн баярлах дуртай байдаг бизээ. Тэр дундаа нийгмийн хамгааллын салбарын ажилтан бидний ажил үйлс иргэддээ сайн сайхан ирээдүйг бүтээхэд чиглэж тэдэнтэй байнга  ажиллаж байдаг чанараараа онцгой бүлээн дулаан сэтгэгдлийг иргэд үйлчлүүлэгчддээ төрүүлж тэднээсээ байнгын ерөөл хуримтлуулж байдаг онцлогтой.
    Хүн амын хөгжил, нийгмийн хамгааллын яам байгуулагдсан өдрөөсөө өнөөдрийг хүртэлх дөрвөн жилийн хугацаанд ард иргэдийнхээ хууль эрх зүйн орчныг сайжруулах зорилгоор 15 хууль санаачилж УИХ-аар батлуулсан бол засгийн газрын тогтоол 36-г гаргуулж иргэдийнхээ эрх зүйн чадамжийг сайжруулж ажиллажээ. Нийгмийн бүлэг тус бүрт зориулсан хурал чуулган зөвлөгөөнийг ахмад настан,эмэгтэйчүүд, хүүхэд, хөгжлийн бэрхшээлтэй иргэд, залуучуудад зориулан зохион байгуулж гаргасан шийдвэрийг хэрэгжүүлэхийн төлөө тууштай ажиллаж чамгүй амжилтанд хүрлээ. Нэг үгээр Монгол улсын  иргэдийн эрх зүйн чадамж дөрвөн жилийн өмнөхөөс үлэмж хэмжээгээр бэхжсэн төдийгүй амьдралын баталгаат түвшин ч мэдэгдэхүйц сайжирсан амжилттайгаар бид өнөөдрийн баяраа тэмдэглэж байна.
     Бид энэ хугацаанд гадагшаа чиглэсэн үйл ажиллагаагаа эрчимжүүлж чадсаны бэлээхэн гэрч нь Хөгжлийн бэрхшээлтэй хүмүүсийн эрхийг бодит болгох Инчеоны стратегийг хүлээн авсны зэрэгцээ Ази тивийн залуучуудыг эх орондоо чуулуулж тэдний ололт амжилт, тулгамдаж буй асуудлуудтай залуучуудаа танилцуулсан явдал юм. Аливаа өндөрлөгөөс алсын бараа тод харагдах учир  бий. Бид өнөөгийнхөө өндөрлөгөөс ирээдүйгээ ч тод сайн харж байна. Хүн амын хөгжил нийгмийн хамгааллын салбарын ажилтнууд та бидэнд хойч үе, бидний ирээдүй болсон хүүхэд багачууд, хатан ухаант бүсгүйчүүд, залуу нас ухамсарт амьдралаа үр хүүхэд биднийхээ сайн сайханд зориулсан ухаант мэргэн буурлууд, та бидний дунд  аливаа эрхээр дутаж гацахгүй амьдрахсан гэж мэрийж яваа хөгжлийн бэрхшээлтэй иргэд гээд нийгмийн бүхий л бүлэгт чиглүүлж боловсруулсан бодлогоо үр дүнд хүргэхийн төлөө чармайн ажиллах зорилго бий.
     Монгол төр, Монгол улсынхаа иргэн бүрийн өмнө хүлээсэн үүргээ хатуу ухамсарлан, эелдэг шуурхай үйлчилгээг эрхэм болгож үйлчлүүлэгч бүртээ баяр баясгалан түгээж ажиллацгаая.
     Та бүхэнд мэргэжлийн баярын чин сэтгэлийн мэндчилгээг өргөн дэвшүүлэе.


МОНГОЛ УЛСЫН ИХ ХУРЛЫН ГИШҮҮН, ЗАСГИЙН ГАЗРЫН ГИШҮҮН, ХҮН АМЫН ХӨГЖИЛ, НИЙГМИЙН ХАМГААЛЛЫН САЙД С.ЭРДЭНЭ
                      

 

Эрдэм шинжилгээний бага хурал зохион байгуулах тухай

Хэвлэх

Мэдээ - Шинэ!

Тус яамнаас Олон улсын “ГЭР БҮЛИЙН ӨДӨР”-ийг тохиолдуулан “ГЭР БҮЛИЙН ХӨГЖЛИЙН ТУЛГАМДСАН АСУУДЛУУД, ШИЙДВЭРЛЭХ АРГА ЗАМ” сэдвийн хүрээнд эрдэм шинжилгээний бага хурлыг 2016 оны 05 дугаар сарын 13-ны өдөр Хүүхдийн төлөө үндэсний газар, Гүүд Нэйборс Монгол төлөөлөгчийн газар,  Нийслэлийн хүүхэд, гэр бүлийн хөгжлийн газар, Олон улсын Улаанбаатар их сургууль, Отгонтэнгэр их сургуультай хамтран  зохион байгуулах тул та бүхнийг өргөнөөр оролцохыг урьж байна.
Хурлын удирдамжийг хавсралтаас харна уу.  ТАТАЖ АВАХ

   

Хүн амын хөгжил, нийгмийн хамгааллын салбарын нээлттэй өдөрлөг болно

Хэвлэх

Мэдээ - Шинэ!

    Монгол Улсын Засгийн газрын 2013 оны 3 дугаар сарын 30-ны өдрийн 120 дугаар тогтоолоор жил бүрийн 04 дүгээр сарын 28-ны өдрийг Хүн амын хөгжил, нийгмийн хамгааллын салбарын ажилтны баярын өдөр болгох тухай шийдвэр гарсан билээ.
    Энэхүү эрхэм, хүндтэй баярын өдрийг тохиолдуулан Хүн амын хөгжил, нийгмийн хамгааллын салбарын "Нээлттэй өдөрлөг"-ийг энэ сарын 27-ны өдөр Чингисийн талбайд зохион байгуулах гэж байна.
    Тус өдөрлөгийн үеэр нийгмийн хамгааллын салбарын талаарх мэдээ, мэдээлэл өгөх,  салбарын үйлчилгээг нэг дор үзүүлэхээс гадна иргэдийн санал хүсэлтийг хүлээн авах юм.

 

Нийгмийн халамжийн салбарт компьютер хүлээлгэн өглөө

Хэвлэх

Мэдээ - Шинэ!

Азийн хөгжлийн банкны хамтын ажиллагааны хүрээнд төрийн албаны үйлчилгээний чанарыбг сайжруулж үйлчилгээний хөнгөн шуурхай байдлыг нэмэгдүүлэх зорилгоор Нийгмийн халамж, хүнс тэжээлийн төслийн санхүүжилт дэмжлэгтэйгээр 21 аймаг, нийслэлийн 9 дүүргийн нийгмийн халамж үйлчилгээний хэлтэст  компьютер тоног төхөөрөмж нийлүүлэх ёслолыбн ажиллагаа хүн амын хөгжил нийгмийн хамгааллын яаманд боллоо.Тоног төхөөрөмжийг УИХ-ын гишүүн Хүн амын хөгжил нийгмийн хамгааллын сайд С.Эрдэнэ гардуулж

-Иргэдэд хүргэх үйлчилгээгээ улам бүр элэгсэг шуурхай хийж гүйцэтгэхийг байгууллагуудаа төлөөлж ирсэн ажилтнууддаа захилаа.Нийтдээ хоёр сая долларын өртөг бүхий энэ ажлын эхний шат болох DELL брендийн 540 компьютер ийнхүү иргэдэд очих үйлчилгээг улам бүр шуурхай болгох албандаа очлоо.

   

(JICA) ТУСГАЙ ХЭРЭГЦЭЭТ БОЛОВСРОЛЫН ТӨСЛИЙН ХҮРЭЭНД БИЧИЛ ТӨСЛҮҮД ШАЛГАРУУЛЖ ЭХЭЛЛЭЭ

Хэвлэх

Мэдээ - Шинэ!

JICA байгууллагаас БСШУЯ болон ХАХНХЯ-тай хамтран хэрэгжүүлж буй “Тусгай хэрэгцээт боловсрол шаардлагатай хүүхдэд үзүүлэх эрүүл мэнд, боловсрол, нийгмийн хамгааллын үйлчилгээг сайжруулах төсөл”-ийн хүрээнд бичил төслүүд шалгаруулж эхэллээ.

Бичил төслийн зорилго нь: Хүүхдийн боловсролын тусгай хэрэгцээнд нийцсэн сургалтын янз бүрийн арга хэлбэрийн үр өгөөжийг судлах, үндэсний хэмжээнд түгээн дэлгэрүүлэх боломжтой загвар боловсруулах явдал юм. Бичил төслийн өргөдлийг 2016 оны 04 сарын 25-ныг хүртэл хүлээн авах бөгөөд дэлгэрэнгүйг тавигдах шаардлагаас харна уу.

Дэлгэрэнгүй...

   

Хуудас 42-с 1