Хүн амын хөгжил, нийгмийн хамгааллын яамны албан хаагчдын ёс зүйн дүрэм

Хүн амын хөгжил, нийгмийн хамгааллын яамны албан хаагчид нь тус яамны зорилго, үйл ажиллагааны зорилтыг хэрэгжүүлэхэд тухайн ажилтны ажлын байрны тодорхойлолтод заагдсан ажил үүргээ биелүүлэхдээ баримтлах ёс зүйн хэмжээг хэвшүүлэхэд дүрмийн зорилго оршино.
Дэлгэрэнгүй

Гамшгийн аюулын зарлан мэдээллийн дохиогоор ажиллах дадлага, сургуулийг амжилттай зохион байгууллаа

Хэвлэх

Мэдээ - Шинэ!

Сүүлд шинэчлэгдсэн: 2015 оны 3-р сарын 27, Баасан гариг, 06:53

    Засгийн газрын 2011 оны 339 дүгээр тогтоолоор баталсан "Гамшгийн аюулын зарлан мэдээллийн дохио дамжуулах журам"-ын дагуу 2015 оны 03 дугаар сарын 26-ны өдрийн 16:00 цагт зарлан мэдээллийн дохиогоор ажиллах нэгдсэн дадлага, сургуульд тус яамны нийт ажилтнууд идэвхитэй оролцож Хүн ам, нийгмийн хамгааллын гамшгаас хамгаалах улсын алба амжилттай зохион байгууллаа.

Дэлгэрэнгүй...

 

Залуучуудын хөгжилд хамтдаа мэдээлэл солилцох уулзалт боллоо

Хэвлэх

Мэдээ - Шинэ!

Сүүлд шинэчлэгдсэн: 2015 оны 3-р сарын 27, Баасан гариг, 06:49

    Хүн амын хөгжил, нийгмийн хамгааллын яам болон НҮБ-ын Хүн амын сангийн дэргэдэх Залуучуудын зөвлөх хороотой хамтран зохион байгуулдаг "Залуучуудын хөгжилд хамтдаа" мэдээлэл солилцох 27 дахь удаагийн уулзалт ХАХНХЯ-ны хурлын танхимд боллоо.

Дэлгэрэнгүй...

   

Мэндчилгээ

Хэвлэх

Мэдээ - Шинэ!

   Монгол орныхоо өнцөг булан бүрт амьдран суугаа нийт казах иргэддээ Хүн амын хөгжил, нийгмийн хамгааллын яамны хамт олны нэрийн өмнөөс болон хувиасаа олон улсын Наурызын баярын мэндийг хүргэж, гэр бүлээрээ, айл хотлоороо аз жаргалтай эрүүл энх, сайн сайхан амьдрахыг хүсэн ерөөе.
    Казах түмэн маань өвөг дээдсээсээ уламжлан ирсэн нарны буюу Наурызын баярыг өдөр шөнө тэнцдэг өлзий билэгтэй сайн цагт тэмдэглэж, шинэ оны анхны өдрөө ахан дүүс хотол олноороо учран золгож, буянтай буурлуудыхаа сургаал айлтгалыг сонсдог уламжлалтай.

    Наурызын баяр бол урин хавартай золгосныг угтан улиран одож буй оныхоо ололт амжилтыг дүгнэж, ирж буй жилийнхээ өнгө төлвийг билэгдэн тодорхойлдог казах түмний үндэсний соёл, ёс заншил, найрамдал нөхөрлөлийн салшгүй хэсэг билээ.
    Энэ ч утгаараа Нэгдсэн Үндэсний Байгууллага Наурызыг Олон улсын баяр болгон тэмдэглэж байхаар зарлан тунхагласан түүхтэй. Тиймээс казах түмэн минь үеийн үед уламжлан ирсэн ёс заншил, соёл иргэншлээ наурызын баяраар дамжуулан дэлхий дахинд түгээн дэлгэрүүлэх, таниулах онцгой ач холбогдолтой гэдгийг Монгол Улсын Хүн амын хөгжил, нийгмийн хамгааллын бодлого, хөтөлбөрийг тодорхойлон хэрэгжүүлэгч салбарын сайдын хувьд онцлон хэлмээр байна.
    Түүнчлэн Казах түмэн дундаас Монгол Улсын |Гурван сая дахь иргэнтэй үе чацуутан мэндэлсэн баярт мөчийг эргэн дурсахад таатай байна.  

    Та бүхэн домборын уянгат аялгуу, мөнх хөх тэнгэрт  дүүлэн нисэх бүргэдийн хийморь дор Наурыз баяраараа айл саахалт, ахмад буурлуудаа хүндэтгэн золгож, элгээрээ энх амар, төрлөөрөө түвшин амгалан, сайхан шинэлээрэй.

МОНГОЛ УЛСЫН ИХ ХУРЛЫН ГИШҮҮН, ЗАСГИЙН ГАЗРЫН ГИШҮҮН,
ХҮН АМЫН ХӨГЖИЛ, НИЙГМИЙН ХАМГААЛЛЫН  САЙД                                   С.ЭРДЭНЭ

 

Дэлхийн банкны “Тэтгэврийн шинэчлэлийн үндсэн ойлголтууд” цуврал

Хэвлэх

Мэдээ - Шинэ!

Дэлхийн Банк 1980-аад оны дунд үеэс эхлэн тэтгэврийн тогтолцооны хөгжил, шинэчлэлийн асуудлаар олон улс орны засгийн газарт дэмжлэг үзүүлэн хамтран ажиллаж ирсэн. Энэ туршлага дээрээ тулгуурлан тэтгэврийн тогтолцооны дизайн, шинэчлэлийн чиглэлээр ажиллаж байгаа бодлого боловсруулагчид  болон сонирхогч бусад хүмүүст зориулан бэлдсэн “Тэтгэврийн тогтолцооны үндсэн ойлголтуудын талаарх цуврал”-ын заримаас монгол хэлнээ орчуулан та бүхэнд хүргэж байна. Англи хэл дээрх эхийг зүүн гар талд байгаа линкээс татаж авах  боломжтой.

Дэлгэрэнгүй...

   

Төрийн нарийн бичгийн дарга Б.Отгонжаргал, НҮБ-ын Эмэгтэйчүүдийн аж байдлын Хорооны чуулганд оролцож байна

Хэвлэх

Мэдээ - Шинэ!

    Хүн амын хөгжил, нийгмийн хамгааллын яамны Төрийн нарийн бичгийн дарга Б.Отгонжаргал Монгол Улсын төлөөлөгчдийн бүрэлдэхүүнд багтан энэ оны 03 дугаар сарын 09-нөөс 20-ны өдрүүдэд Америкийн Нэгдсэн Улсын Нью-Йорк хотноо зохиогдож буй НҮБ-ын Эмэгтэйчүүдийн аж байдлын Хорооны 59 дүгээр чуулганд амжилттай оролцож байна. Тус чуулган нь Эмэгтэйчүүдийн асуудлаарх дэлхийн 4 дүгээр бага хурлаас батлагдсан Бээжингийн Үйл Ажиллагааны төлөвлөгөө ба Ерөнхий ассемблейн 23 дугаар тусгай чуулганы Үйл Ажиллагааны Төлөвлөгөөг хэрэгжүүлэхэд гаргасан ололт амжилт, тулгарч буй саад бэрхшээлийн талаар хэлэлцэх зорилготой юм.

Дэлгэрэнгүй...

   

Хуудас 24-с 1

ЦАХИМ ХУУДАСНААС ХАЙХ

Монгол Улсын Гурван сая дахь иргэн

Видео мэдээ